مزايا برنامج الكاشير في كاش هب، كلها في صفحة وحدة

مزايا برنامج الكاشير حسب مجال شغلك

هذي مزايا برنامج الكاشير كاش هب كما هي، مقسّمة على ستة مجالات: البيع والفوترة، المطاعم والمطبخ، المحلات والمخزون، المال والرقابة، الأجهزة والتشغيل، والتذاكر. كل مجال يوديك لصفحته لو تبي التفاصيل.

ما تحتاج تقرأها كلها. صاحب مطعم يهمه قسمين أو ثلاثة، وصاحب بقالة يهمه غيرها. اقرأ اللي يخصك، وفي آخر الصفحة بنقول لك بصراحة وش ما فيه كاش هب.

طريقة الدفع والأسعار

البيع والفوترة

هذا الأساس اللي يشتغل في كل نوع نشاط:

• فاتورة ضريبية مبسطة للأفراد، وفاتورة ضريبية للشركات (B2B) فيها الرقم الضريبي للمشتري واسمه وعنوانه، بصيغة الفاتورة الإلكترونية.
• الجهاز نفسه يوقّع الفاتورة ويضيف رمز QR، وهذا يشتغل حتى بدون إنترنت.
• الفواتير مترابطة في سلسلة وما تنحذف، والمرتجع يتم بإشعار دائن. كل عملية مسجّلة باسم المستخدم ووقتها.
• النظام مبني على متطلبات المرحلة الثانية. والربط مع منصة «فاتورة» نسوّيه معك أثناء التجهيز، وما تتعامل مع أي إعداد تقني. وإحنا نسجّل أجهزة منشأتك في منصة «فاتورة» عنك ومعك.
• المنشأة غير المسجّلة في ضريبة القيمة المضافة تقدر تستخدمه، وتنتقل بعدين بدون ما تغيّر شي.
• المرتجع كامل أو جزئي، وضريبة القيمة المضافة تنحسب فيه صح.
• تقسيم الدفع في الفاتورة الواحدة بين كاش وبطاقة ومحفظة.
• العروض والوجبات المركّبة تبنيها أنت ويطبّقها الكاشير. وتقدر تعطي عميل معيّن خصمًا ثابتًا، وتسوي قسائم لها حد أدنى للطلب وتاريخ بداية ونهاية.
• إيصال واتساب من رقم منشأتك أنت، وبس إذا وافق العميل. ورسوم ميتا تنحسب على المنشأة مباشرة.

كيف تشتغل الفوترة الإلكترونية

المطاعم: الصالة والطلبات

للمطاعم والمقاهي والمخابز اللي تقدّم للجلوس أو السفري:

• الطاولات على مخطط لصالتك حسب المنطقة، وتنقل الطلب من طاولة لطاولة بضغطة.
• أنواع الطلب: محلي وسفري واستلام.
• الوصفات تنربط بالمخزون: كل بيعة تخصم المكونات، والإلغاء يرجّعها، وتشوف تكلفة كل طبق وهامش ربحه.
• عروض ووجبات مركّبة للكاونتر، وتقسيم الدفع بين كاش وبطاقة ومحفظة.

كاشير المطاعم بالتفصيل

المطبخ والتوصيل

من لحظة الطلب إلى لحظة وصوله للضيف:

• كل صنف يروح لقسمه (الشواية، البارد، البار...) على شاشة القسم أو مطبوع على طابعة القسم.
• الطباخ يعلّم الطلب جاهز والكاشير يشوفه فورًا. شاشة المطبخ تحتاج اتصال الشبكة المحلية أو السيرفر، وتذاكر الطباعة على القسم تشتغل كذلك.
• التوصيل بمناديبك أنت: من لوحة التحكم تنشئ طلب التوصيل وتسنده لمندوب وتسوّي حساب كاشه، والعميل يوصله رابط تتبّع للطلب.
• المندوب يدخل لوحة التحكم من متصفح جواله ويشوف طلباته هو.

شاشة المطبخ KDS

المحلات والمخزون

للبقالات والعطور والجوالات والملابس وكل محل يبيع أصناف:

• رصيد المخزون لكل صنف ولكل موقع (فرع أو مستودع)، مع حركات وتسويات.
• جرد من لوحة التحكم: تعدّ، ثم تعتمد أو تلغي.
• تحويلات بين الفروع والمستودعات: تنشئ وتستلم وتلغي.
• موردين وأوامر شراء واستلام ومرتجع للمورد، وتكلفة الوحدة تتسجّل عند الاستلام.
• تواريخ الصلاحية: تستلم بأرقام التشغيلة وتاريخ الانتهاء، والبيع يصرف الأقرب انتهاءً أولًا (FEFO). وهذي من لوحة التحكم.

المخزون والجرد

الباركود والوزن والمتغيّرات

اللي يبيع بالقطعة أو بالوزن يهمه هذا الجزء:

• مسح الباركود بقارئ يدوي أو مدمج، أو بكاميرا الجهاز.
• ملصقات الميزان: باركود EAN-13 فيه السعر أو الوزن، ببادئة من 20 إلى 29.
• البيع بالوزن، وأسعار الشرائح حسب الكمية (سعر أقل للوحدة من كمية معيّنة).
• متغيّرات الصنف (المقاس × اللون) برصيد لكل متغيّر، ومرتجع المتغيّرات، وتقرير مبيعاتها.

الباركود والبيع بالوزن

المال والرقابة

اللي يخلّيك مطمّن حتى لو ما كنت في المحل:

• أدوار مخصصة تختار صلاحياتها بنفسك. الخصم والإلغاء والمرتجع بصلاحية، وبدونها يحتاج الكاشير رمز المدير.
• الدرج ما ينفتح إلا مع بيع أو مرتجع.
• فتح الوردية وإقفالها، مع تقرير الوردية وفرق الصندوق، وعدّ أعمى عند الإقفال، وإدخال وإخراج نقد وتسليم.
• جهاز يظل بدون اتصال فترة طويلة ينبّهك، وبعد حد معيّن يوقف البيع لين يتزامن.
• جهاز مفقود؟ تمسح بياناته عن بُعد، والجهاز البديل يرجع له كل سجل وصل السيرفر.

صلاحيات الموظفين

التقارير وإقفال اليوم

من لوحة التحكم، على الجوال أو الكمبيوتر:

• تقرير المبيعات اليومية، والمبيعات، وطرق الدفع، والأصناف الأكثر مبيعًا، والفئات، والمتغيّرات، والمبيعات بالساعة، والمرتجعات.
• إقفال اليوم بتقرير Z. واليوم ما ينقفل مع جهاز غير متزامن إلا بإذن المالك.
• تصدير بيانات المنشأة كلها في ملف واحد.
• لوحة وحدة لكل فروعك.

التقارير وإقفال الوردية

الأجهزة والتشغيل

اللي يشتغل خلف الكواليس:

• الأجهزة: أندرويد وآيفون وآيباد وتطبيق ويندوز، ولوحة التحكم من متصفح الماك، وأجهزة الكاشير اللي فيها طابعة. الطابعات: شبكة أو بلوتوث أو USB.
• البيع بدون إنترنت: الفواتير تنحفظ على الجهاز وتتزامن لما يرجع الاتصال، بدون فقد ولا تكرار. والمتصفح هو لوحة التحكم، مو جهاز البيع.
• بياناتك على سيرفرين داخل السعودية، ولو وقف واحد ينتقل الشغل للثاني.
• الواجهة بالعربي والإنجليزي.
• شخص من الدعم يرد خلال 10 دقائق وقت الدوام، وننقل أصنافك من نظامك الحالي مجانًا.

التذاكر والفعاليات

لمن يبيع دخول لفعالية أو جلسة: فعاليات وجلسات لكل جلسة سعتها، وبيع التذكرة من الكاشير، ومسح رمز QR عند البوابة (كل تذكرة تدخّل مرة وحدة)، واسترداد التذاكر.

نظام التذاكر

أسئلة شائعة

وش اللي ما يقدّمه كاش هب؟

ما فيه نقاط ولاء ولا طوابع ولا بطاقات هدايا. وما فيه مواعيد صالونات، ولا قاعدة أدوية أو ربط مع هيئة الغذاء والدواء للصيدليات، ولا تتبّع IMEI أو الرقم التسلسلي، ولا متجر إلكتروني، ولا محاسبة دفترية، ولا رواتب. وفي التوصيل ما فيه تطبيق للمندوب ولا ربط مع تطبيقات التوصيل.

هل فواتير كاش هب تنوقّع بدون إنترنت؟

نعم. الفاتورة تنوقّع وتطلع برمزها من الجهاز نفسه وتنحفظ عليه، وتتزامن مع حسابك لما يرجع الاتصال، بدون فقد ولا تكرار.

على أي أجهزة يشتغل كاش هب؟

على أندرويد وآيفون وآيباد وويندوز، وأجهزة الكاشير اللي فيها طابعة. ولوحة التحكم من متصفح الماك.

كم تكلفة كاش هب؟

ما فيه عقد ولا رسوم تأسيس، وتدفع على فواتيرك من رصيد تشحنه (أقل شحنة 50 ريال). المطاعم والكافيهات تدفع 5 هللات على كل فاتورة، وحدّها الأعلى 149 ريال بالشهر لكل فرع شامل الضريبة، وبعده باقي الشهر مجانًا. ومحلات التجزئة والأثاث والتذاكر سعرها خاص نحدده معك. وأول 30 يوم من تسجيلك مجانًا.

هل أقدر أستخدمه وأنا غير مسجّل في ضريبة القيمة المضافة؟

نعم. وإذا سجّلت بعدين تنتقل بدون ما تغيّر شي في إعداداتك.

هل المزايا تختلف بين الباقات؟

لا، ما فيه باقات. كل المزايا لكل منشأة، وتدفع على قد فواتيرك.

من المدونة

صفحات قريبة