برنامج إدارة المخزون: تعرف كم عندك ووين هو

برنامج إدارة المخزون: الرقم الصح لكل صنف

أي صاحب نشاط يرجع دايمًا لنفس الأسئلة: كم عندي من هذا الصنف؟ وين هو؟ وش اللي غيّر رقمه؟ في كاش هب كل صنف له رصيد مستقل في كل موقع، فرع كان أو مستودع، والرقم يتحرك مع كل عملية.

• البيع ينقص الرصيد، والمرتجع يرجّعه.
• الاستلام من المورد يزيده، والمرتجع للمورد ينقصه.
• كل حركة تنحفظ في سجل الصنف، فتعرف وش صار ومتى.
• أي تعديل يدوي على الرصيد مسجّل باسم اللي سوّاه ووقته.

رصيد كل صنف في كل موقع

فرع الشمال له رصيده، والمستودع له رصيده، وما يختلطون ببعض. تفتح الصنف وتشوف وين بضاعته، وتفتح الموقع وتشوف أصنافه. وإذا عندك أكثر من فرع، لوحة واحدة تجمعهم كلهم.

تحويل البضاعة بين الفروع والمستودعات

الجرد من لوحة التحكم

قبل العيد أو نهاية السنة المالية، تفتح جرد لموقع معيّن وتدخل الكميات اللي عدّيتها، وتعتمد الفروقات فيتعدل الرصيد. وإذا تغيّر الوضع قبل ما تخلص، تقدر تلغي الجرد.

الجرد هنا من لوحة التحكم، وما فيه جرد أعمى للبضاعة. العد الأعمى في كاش هب خاص بدرج النقد عند إقفال الوردية، مو بالمخزون.

الموردين وأوامر الشراء

أول الشهر بعد نزول الرواتب يزيد الطلب، وقبلها لازم تكون طلبت من المورد. تسجّل المورد، وتطلع أمر شراء بالأصناف والكميات، ولما توصل البضاعة تستلمها وتدخل تكلفة الوحدة.

• الاستلام يسجّل تكلفة الوحدة، فتعرف بكم دخل الصنف عليك فعلًا.
• إذا وصلت بضاعة غلط أو تالفة، تسجّل مرتجع للمورد ويطلع من الرصيد.
• المورد وأمر الشراء والاستلام في مكان واحد، بدل دفتر وواتساب.

الوصفات: لما مخزونك مواد خام

في المطعم والمقهى والمخبز ما تبيع المواد الخام، تبيع منتج مركّب. تربط الوصفة بالمخزون، فكل لاتيه يتباع يخصم حبوبه وحليبه، وكل طبق يخصم مكوناته، والإلغاء يرجّعها.

وبما إن تكلفة المكونات معروفة، تشوف تكلفة كل طبق وهامش ربحه، وتعرف أي صنف يستاهل مكانه في المنيو.

كاشير المطاعم

تواريخ الصلاحية: الأقرب انتهاءً أول

للألبان والعصائر والمعلبات وكل شي له تاريخ انتهاء، تستلم الصنف برقم دفعة وتاريخ صلاحية. وعند البيع ينصرف من الدفعة الأقرب انتهاءً أول (FEFO)، فما تنسى دفعة قديمة ورا الرف. هذا الإعداد من لوحة التحكم.

وش تستخدم في كل موقف

مين يقدر يعدّل الأرقام

الأدوار المخصصة تحدد وش يقدر كل موظف يسوي، وكل عملية مسجّلة باسم اللي سوّاها ووقتها. فلو الرصيد ما طابق الواقع، ترجع للسجل وتعرف الحركة اللي غيّرته بدل ما تخمّن.

كيف تبدأ

1. سجّل بياناتك مجانًا وبدون التزام، ونتواصل معك.
2. ننقل أصنافك من نظامك الحالي مجانًا.
3. تحدد مواقعك، فروع ومستودعات، وتبدأ تبيع في نفس اليوم.

أسئلة شائعة

هل المخزون ينقص تلقائيًا مع كل فاتورة؟

نعم. البيع ينقص رصيد الصنف في موقعه، والمرتجع يرجّعه، وكل حركة تنحفظ في السجل.

هل فيه جرد أعمى للمخزون؟

لا. الجرد من لوحة التحكم: تعد وتدخل الكميات وتعتمد الفروقات أو تلغي الجرد. العد الأعمى موجود لدرج النقد فقط.

أقدر أتابع أكثر من فرع ومستودع؟

نعم. لكل موقع رصيده، ولوحة التحكم تجمع الفروع كلها.

هل أقدر أنقل أصنافي من نظامي الحالي؟

نعم، ننقل الأصناف مجانًا وتبدأ تبيع في نفس اليوم.

كيف أتعامل مع الأصناف اللي لها تاريخ انتهاء؟

تستلمها برقم دفعة وتاريخ صلاحية من لوحة التحكم، وعند البيع ينصرف الأقرب انتهاءً أول.

كم تكلفة النظام؟

ما فيه عقد ولا رسوم تأسيس، وتدفع على فواتيرك من رصيد تشحنه. ولمحلات التجزئة والأثاث والتذاكر سعر خاص بكل منشأة، نحدده معك حسب حجم نشاطك وعدد فروعك. وأول 30 يوم من تسجيلك مجانًا.

من المدونة

صفحات قريبة